أبو الفنون Admin
عدد المساهمات : 340 تاريخ التسجيل : 11/11/2009 الموقع : https://www.facebook.com/MjltTyatrw
| موضوع: ماجدة خير الله تكتب: احنا محتاجين ونس! الأربعاء أكتوبر 30, 2013 11:59 pm | |
| بيحصلك حاجه غريبه قوى بعد فتره ،من التعامل على الفيسبوك ياأخى بتلاقى نفسك مرتبط بناس عمرك ما قابلتهم ،واحتمال ما تقابلهمش فى حياتك وجهاً لوجه لكن بيتكون بينك وبينهم نوع من الألفه والود وتشاركهم الرأى وتفضفض ولما تسمع موسيقى حلوه أو تقرى جمله حلوه أو تسمع نكته تبقى عايز تشاركهم ولو لاقدر الله حد بقى عنده مشكله او ازمه بيقول ادعولى ،ولو حصل عنده خبر سعيد بيحب يشاركنا الحكايه دى اسمها ايه ؟؟ هو قد كده إحنا محتاجين ونس ،قد كده إحنا مفتقدين لعلاقات حقيقيه فى حياتنا ؟؟ معنديش اجابه أنا بس بتساءل ؟؟
***
حاله الهلع والبانيك والتوتر اللى حصل بعد مشاهده حلقه باسم بيوسف ده أحد نتائج فساد التعليم فى مصر ،والغش فى الامتحانات ،والتعيين بالواسطه ،وعدم احترام الكفاءه ،وسوء التغذيه ، اللى ادت بالتالى الى ضعف ملكات العقل والقدره على التفكير برنامج ساخر ، اتعرض بالتأكيد قبل اذاعته على جهات امنيه ،الناس فاكره انه مؤامره واساءه للجيش وللسيسى ! كل غدد النفاق والجهل والحموريه اشتغلت مره واحده !!
***
سبحان الله .. كنت لسه إمبارح بسأل هو فين عصام العريان ؟؟ هم نسيوا يمسكوه ولا إيه ؟؟ قوم إيه !! اصحى الصبح ألاقى صوره مغرقه الدنيا !! مش ناقص غير عاصم عبد الماجد ،وكام واحد كده فوق البيعه ،وتبقى قُضيت ،بس والنبى بقى .. تستعجل شويه فى المحاكمات ،عشان الحكايه طولت ،وبلاش القضاه بتوع استشعرنا الحرج دول !
***
ليه أى واحد من جماعه الاخوان ،لما بيتم القبض عليه ،بيواجه الكاميرات بنفس الابتسامه اللزجه ،وبنفس النظره الزجاجيه البارده ؟؟ هل هم متدربين على كده ؟ ولاده نوع من التحدى ،ولايكونوا متصورين ،ان فيه جهة ما حا تسعى لاخراجهم من السجون ،زى المره اللى فاتت ،ولاهو نوع من الانكار،ولاحاله من تبلد الشعور والنطاعه؟؟
***
الحوت الذى ابتلع سيدنا يونس ،مات وشبع موت من ساعتها،زى بقيه مخلوقات الله، بالعكس بقى ده مات بعد ان لفظ سيدنا يونس من جوفه مباشره ،لانه توقف بامر الله عن عمليه الامتصاص والهضم وجميع حركات المعده ،حتى لايسبب اى ألم ليونس ،وتحول جوفه الى مكان آمن او مغاره ، وبمجرد ان جاءه امر الله ان يلقى بيونس حارج ،فعل ذلك ولفظ انفاسه اقرأ كتاب انبياء الله للراحل أحمد بهجت انما الهجص اللى يقولك تصدق ان حوت يونس لسه عايش لحد دلوقت !! ده نوع الجنان اوالهطل اللى شغال اليومين دول وهى قدره ربنا لازم نثبتها باشياء خارج المنطق وتدخل فى اطار الخرافات إذا كان الانبياء ماتوا ،يبقى إشمعنى الحوت هو اللى عايش من آلاف السنين ؟؟؟؟ عشان يعنى تصدق حكايه سيدنا يونس ،ان شاء الله ماعنك صدقت ،تبقى البعيد خروف مالكش عقل ،وهو يعنى اللى بيقول معلومه ان الحوت لسه عايش كان عرف ازاى ان ده بالذات هو حوت يونس ؟؟؟ا مكتوب علي ضهره انا حوت يونس ،والعين صابتنى ورب العرش نجانى | |
|